تذكير بمساهمة فاتح الموضوع :

,, بسمـــه تعــالى ,,

السلام عليكم ورحمة الله وبركاته



هلا فيكم يااعضــاء

بأختصار تخيلوا معي اننا في بيت واحد

كيف بتكون حياتنا وكيف طلعتنا وجلستنا وكلامنا

وكيف راح نعيش جو البيت الواحد .. تحت سقف بين الاخوه

والاخوات

جو العناد بين الاخوان .. والمزح والاستهبال ..

هههههههههههههههههههه

وللأمانه اللعبه منقوله بس لأني شفت الناس متفاعلين معها

نقلتها لكم

يالله نبـــــــــــــدأ بالحيــاة الخياليه

وانا اول واحدة أبدا فيكم

اللى بعدى

وين حطيت الموبايل اكيد انت اللى خدته

مش قلت قبل كده محدش يلعب بالموبايل تبعي

ايييييييييييييه

أخى



من بكرا حأخطبلك وزوجك

:) ههههههههههه

يا عيني يا عيني
شو بس بدكم تخلصوا مني
لالالالالالالالالالا ما بدي اتزوج
بدي ازوجكم كلكم واترهبن هيك احسن
ناقصني بلوة متلكم ولا عاهة مستديمة يعني
هههههههههههههههههههه
اهلين ندى
من زمان القمر ما بان
شو وين كنتي سايحة
ولا نسيانة انه الك بيت يضبك
اااااااااااااااااااااخ منكم صرتوا عايشين حرية متل الثورات العربية والله
زهرة مين هو تعيس الحظ عفو سعيد الحظ الله يسعدو يلي بدو يبتلي
ولا قلك بكرة بقرأ فاتحتك على الحمصاني خلص سكري على الموضوع
ويا بخت من صرف من وشو وقال مين يلي بعدو
هههههههههههههههه

اللي فيني مكفيني لا حدا يحكي معي والا راح يكون الضحية


هههههههههههه

اوووووووووووووف اتركوني بحالي ولا حدا يحكي معي

هههههههه

هههههههههه


كنت عم شارك بالثورة ضد بشار

ولكــــــؤؤ..لي عم تخططـؤؤ زؤؤجـؤؤ خي حســـــامم.

.انا مابسمحلكمـ..بــزؤجؤؤ على عمتــــــي..

يلاا سكـرؤؤ على موضـــــؤؤع..هههههههههـ.

اسم الله عليكم كلكم صايرين خطابين يا عيني يا عيني
يللا لشوف كل وحدة تروح تشوف شغلها وقومو اطبخو واشتغلو بدال هالحكي ههههههه
وصحيح مين الفهمان يللي اخذ السشوار تبعي وخرب غرفتي يلااااااا اعترفووووووووووووو
وفوق هيك نبشتو بغراضي وقرأتو مذكرااااتي مين سمحلكم مييييين؟؟؟

شو جزائرية وافتخر مين نكشك
ولا حاكاكي
خليكي نايمة عموو
هههههههههههه
اي ندى خانم قلتيلي كنتي عم تشاركي بالثورة
بس الثورة بسوريا مو بسريرك
وهتافاتك(شخيرك) صرعنا الصراحة
يرضى عليكي اهتفي وأنت ساكتة اي
هههههههههههههه
سارونة كم مليار مرة قلتلك عيريني سكوتك
ولا تتدخلي بشي لا يعنيكي مشان ما تسمعي كلام لا يرضيكي
يبعتله خفي صوتك شو متل صرير صراصير الليل
ههههههههههههه
دلال خانم صح النوم شو صارلك نايمة 300 سنة يعني
مالك بالجو بنوب ولا إلك علاقة باللياقة شايف
إي مو حاطط حدا بمخي هاتي لشوف شو في عندك
هي زهرة حوران كمان قالت عندها وندى قالت عندها
يا عيني كتروا العروسات
طيب بينفع اتزوج بالجملة 4 مرة وحدة
ههههههههههههههههههه
زهرة مين ضيعلك السيشوار ولا وين نسايانتيه
الله يستر ما تنسي حالك بشي مكان ههههههه
ولا خايفة على هالشعرتين ونص يلي براسك
وكمان نبشوا بغراضك ؟ اووووووووووف
شو عندك صندوق الكنز وما بنعرف يعني
كلو خرابيط وشخابيط متل خرابيش الجاج وبتقولي مذكراتك
هههههههههههههههههههههههههههههههههههههههه

لك آآآآخ منك آآآخ يا حساااام عم تحكي وتتأمر كإنك ولي أمرنا
اي يا سيدي هالشعرتين ونص شايفيتهم احلى من شعر الفنانات اوووكي
حاكم الصرااااحة من كتر ما بنتخانق انا اخواتي وبمرجحوني بشعراتي ما ضل غير شعرتين ونص ههههههه
بس رغم هيك قلبي حاسسني انو انت يللي لطشت السشوار
وكتاباتي احسن واحلى من شعر المتنبي ونزار قباني وعمر ابو ريشة
واذا مو عاجبك انتف واحلق حواجبك هههههه
واغراضي اثمن من الالماس ويللي بيقرب عليهم رح علق مشنقتو
والحاضر يعلم الغاااااايب
خلص عندي الك اربع بنات شقرا وسمرا وبيضا وسودا شو رايك جوزك ياه وبصير عندك طقم اشكال والوان
ههههههههههههههههههههه

ههههههههههههههههههههههه
دلال ضحكت عنزة عباب المسلخ اي
ال سرلنكية ال
شو مابقي عرب بالدنيا يعني!
لك يبعتلك داء الديزنطاريا اي شو بدك تبليني بلوة مكبرتة
خليها الك هي السرلنكية ولا قلك بدي ازوجك لأبوها بلكي برتاح من نقك كل يوم
اي العمى العمى شو هاد
بيت كلو أعداء مو أخوة هي

نعم نعم نعم زهرة حوران لكن شو أنا؟ رجل كرسي بهالبيت!
لك يخرب بيتك وبيت بيتك اي
وهالشعرتين ونص يلي براسك رح عدمك ياهم وخليكي صلعة شو رايك
هههههههههههههههههه
لسة بتقلي سشوار لك ما بتعرفي انه ولا بعمري استخدمت هيك مسخرة
هاد يلي كان ناقصني سشور شعراتي والله
وكتاباتك أحسن من المتنبي ونزار قباني حيلك حيلك طولي بالك ليطقلك شي عرق
اعصابك زهرة خانم خدينا بحنانك
لك علي ما علي ما بتعرفي تمسكي القلم ولا بتعرفي تفكي الخط
وعاملتيلي حالك شاعرة زمانك ولا بتكتبي خربشات ومسميتيها مذكرات
روحي جيبي صينية عدس نقيها احسن من اللت والعجن تبعك يلا
لاء وبتهدد كمان
لك من امتى صار للدبانة دكانة وصارت تسكر عبكير اهااااا
ال تعلق منشنقته ال تعي اضربيني كفين كمان يلا
علي ما علي لخلي جلدك متل الربابة
ههههههههههههههه
لالالا ما حزرتي ال طقم اشكال والوان ال
شو مفكرتيني متل شباب الغريبة تبع هالايام
بدي انسانة وازنة ومحترمة وعليها لحسة جمال بس
واهم من كل هاد تكون تعرف الله مو متلكم مأجرين الطابق الفوقاني ومسرطعين
هههههههههههههههههههههه

دخيلك حسااااااااااااام بييييك لا يصيرلك شي شو بك انفتحت علينا
الله يستر عليك ولييييييييي على آمتي أصلاً مين المعمي على قلبها الهبلة يللي بدها تبتلي فيك قوللي
قلتلي بدك تصلعني كون شاطر وواجهني اذا قدرت
و عاملي حالك الآمر والناهي بكتاباتك وبس
قلتلي السشوار مسخرة اي بقص ايدي اذا ما بتسشور هالشعرات المنكوشين كل يوم
انت ريحلي حالك واترك كتاباتي بهمها المهم انه عاجبيني صح
وانت من غيرتك عم تحكي هيك هههه
لا ويا حراااااام قلتلي مو متل شباب هالأيام ههههههههههههههه اي ضحكتني والله
كلكم هيك بتحكو
قال لحسة جمال قال
اي خف علينا حسوم
شو رايك بلحستين هههههه حلوة والله اييييي شو هالعالم هي
بس تشوفو بنت حلوووة بتسطلو صح ولا انا غلطانة
هههههه

هههههههههههههههههههههه
اسكتي وليك انا كبيركم وكلمتي كلمة وشكلين ما بحكي فهمانين
ويلي بدها تحكي من هون ورايح لسانها بدي قصوا وارميه للقطة
وأنا إذا بدي اتزوج اذا ما كانت ......... مراية إلكم ما باخدها
هههههههههههههههههه
لك ولسة عم تهددي وتتحدي كل طولك نص متر
وعاملتيلي حالك عنترة وراكبة ع السيف وعم تلولحيلي بالحصان كمان
ههههههههههههههه
اي انا ما بسشور شعراتي يا فهمانة هنة مسشورين خلقة وما بضيع وقتي بهيك شغلات
انا من غيرتي منك الواه الواه زهرة خانم من امتى كنا والشمس ترقعنا هاااااااا
لتكوني صدقتي حالك صحصحي يا ماما
كتاباتك ما بشتريهم بنص فرنك مصدي
هههههههههههههه
اي انا مو متل شباب المسخرة تبع هالايام انا غييييييييييير
خرطني الخراط وقلب مات ولا مو عاجبك؟
لالالا لا بننسطل ولا شي وحياتك
زمان اول تحول وهلاء صارت موضة جديدة
صارت البنت تركض ورا الشب وهي تلطشه
واذا طنشها بترمي بلاها عليه وبتصير تتحجج وتعمل أفلام بايخة
وبتخجله وبتقله يحمل أغراضها لبيتها مشان يعرف بيتها وتعطيه رقم جوالها كمان
بنات أخر زمن والله
الله يسترنا بس
وأنا بدي وحدة ماباس تمها إلا إمها مو بنت شوارع ألف شكل وألف لون
ومو مخلية بويا صرامي وإلا حاططه على وشها
ومن كتر الشناشيل يلي ع تيابها مافي مكان تحطي رجلك
ههههههههههههه
سارة بتسكتي ولا بقوم ليكي هاااااااااااا
ترى واصلة معي لهون هااااااااااا
وجاية عبالي ارتكب جناية اليوم بشي وحدة فيكم
وبدك عشى لكن ما هيك؟
بدك سم الهاري يلي ينزل على بطنك
هههههههههه
ال ساويلها عشى وهي تقعد على التلفزيون ال
قومي ولية انضربي على قامتك اتعشي بالمطبخ
مابدي شوف وشك أمامي يلا لشوف
اتحركي بلا تناحة يلا
ههههههههههههههههه
دلال خانم خليها إلك
وما طلبت منك تجلطيني عفو تخطبيلي
مو ناقصني عاهات
ال تخدم جيش ال
شو انا بدي خدامة ولا مرا؟
ولا مفكرة المرا بس خدامة لجوزها
صحيح انتوا شو بفهمكم بالرومانسية والحب
لك اااااااااااااااااااااااااااااااه متخلفين انتوا
وانا بدي اتزوج عن حب زواج تقليدي ما بعبي راسي فهمتي!
وما فهمتي داء الديزنطاريا؟
لك بدك ستميت سنة ضوئية لتفهمي بس
ومتل ما بقول المتل:
تكسير الصخور على الضهور أحسن من تفهيم من لا يفهم
ههههههههههههههههههههههههههههه

شباب المسخرة تبع هالايام انا غييييييييييير
خرطني الخراط وقلب مات ولا مو عاجبك؟
لالالا لا بننسطل ولا شي وحياتك
زمان اول تحول وهلاء صارت موضة جديدة
صارت البنت تركض ورا الشب وهي تلطشه
واذا طنشها بترمي بلاها عليه وبتصير تتحجج وتعمل أفلام بايخة
وبتخجله وبتقله يحمل أغراضها لبيتها مشان يعرف بيتها وتعطيه رقم جوالها كمان
بنات أخر زمن والله
الله يسترنا بس
وأنا بدي وحدة ماباس تمها إلا إمها مو بنت شوارع ألف شكل وألف لون
ومو مخلية بويا صرامي وإلا حاططه على وشها
ومن كتر الشناشيل يلي ع تيابها مافي مكان تحطي رجلك
ههههههههههههه
سارة بتسكتي ولا بقوم ليكي هاااااااااااا
ترى واصلة معي لهون هااااااااااا
وجاية عبالي ارتكب جناية اليوم بشي وحدة فيكم
وبدك عشى لكن ما هيك؟
بدك سم الهاري يلي ينزل على بطنك
هههههههههه
ال ساويلها عشى وهي تقعد على التلفزيون ال
قومي ولية انضربي على قامتك اتعشي بالمطبخ
مابدي شوف وشك أمامي يلا لشوف
اتحركي بلا تناحة يلا
ههههههههههههههههه
________-

شـــــوو حسـاام هـااذ كلاام كلـوو من عنـــــدكـ..

ماكنت متـؤؤقعـةة والله..انصدمت..وهلحكي

.. هااذ..عن بنااآت..ااحنـا..ليس من هيكـ..نؤؤؤؤع

واحنـا جمالنا ربـانا..مو متل الشباب..رجال مواقف والشعر وااقف..

لسبايكي..ولحلق..والوشم..وهيك شغلاآت..والله يعلممممممممم

من فؤؤق هلة هلة ومن جوه يعلم الله..

والاقل البنات مابيخؤؤنو مابضحكوو..على ناآآآآآآآآآآس..

وشو بوس مابوس احنا وين قااعـدين..هاآآآآآآآ..

والله بضحكو ههههههههههه

اي لاااااااااااا حساااااااااااااااام تخنتها لهوووووووووووووون وبسسسسس
ليش هيك انحمقت وصرت تعيط وتخانق شو مفكرلي حالك يا استاذ نحن ورانا اهل مو سايبين بالشوااااارع
وكلنا محترمات وبنخاف الله الحمدلله لا شناشيل ولا بوية ولا بطيييخ
قلتلي البنات يللي بلطشو اي انا معك الصراحة بس لا تعمم مو الكل اكيييد
واي انتو من ضحكة وغمزة بتسطلو وبغط ع قلببكن ما هيك يا صبايا هههه
يوووووه الوااااه الواااااه قلتلي ما باس تما الا اما يللا دور لشوف اذا بتلاقي لاقي
انا طولي نص متر لك انا اطول منك وحياتك
بدك تقص لساناتنا اي جرب لشوف قرب على شي وحدة وانا يللي بدي خلي الدم للركب واشختك من الوريد للوريد وارميك كلك لكلاب الصيد ههههههه
انا زهورة مو حيالله
اوووووولالا انت مو متل شباب هالايام احم احم صدقتك هههههه

بدك تتجوز عن حب يا بعدي اي مين هالــ ما بدي اغلط يللي بدها تحبك؟
ههههه
عشنا وشفنا والله
ع كل حال الله يسعدك ويحميك حسوم

حلوو و الله

خليتكم يومين عملتونا اكبر فضيحة فالعالم

عاملينها عقناة العربية

شكلكم لازملكم دروس و محضرات و يا ساتر

و عراااااااااااااااايس كمان

الله الله على بنات آخر الزمان

حسام لالا خليك من هالخرابيط

لا تتزوج احسنلك يا عمو

و لا تاخد براي دلال ابدا

بتجيبلك وحدة قد الفيل

هي بدها انتقااام

على فكرة وين طبخك يا زهرة

و الله ما تعرفي غير الكلام

يييييييييييييييي
شو عم تحكوا هااااااااااااااااااااا
الا خالو
اوعكن

ههههههههههههههههههههههه
هلاء ينقلبوا علي
الله يستر

اي خالو
المفاجاة قلتلك تقتصر على موافقتك
و انا من كتر الشغل و المحاضرات و الدروس و البحوث تعبت
بدنا هيك نطلع معك خالو نغير جو على اي مكان تحبوا شو رايك؟
و شو رايكن بنات
بس وينكن
اذا وافق خالو فالي الشرف اركب لقدام هااااااااا
ههههههههههههههههههههههههههه

بعرف انو راح تصير خناقات مشان هالشي
بس انا صاحبة الفكرة
ههههههههههههههههههههههه
و كمان ما بدي اشتغل شي
الشغل عليكن
لاني حدي تعبااااااااااانة من الدراسة و الكتب
الله المستعان

شو قلت خالو
على فكرة في مؤامرات كتيرة عليك
ههههههههههههههههههههههههه

و لك درة اسكتي احسنلك

نخرج موافقين

تركبي موافقين

بس مشان ما تعملي رح تصر الحرب العالمية التالتة يا ستي

بما انها فكرتك فانتي المسؤولة عليها

و انتي يلي تتعبي اكثر منا المفروض يا سيدة الكسل

قال دراسة قال

شريفة خانم عفو دلال
زوئي على حالك اي
طبخ ما بتعرفي وشغل البيت بتصير تتململي
وبدك تجوزيني سرلنكية كمان
لك شو ساوي فيكي انا هااااااااااا
هههههههههههههههه
سارة بلا فزلكتك هلاء
قاعدة بتنظري علي وبتعطيني دروس
خليكي بحالك واشتغلي شغلك من تم ساكت فهمتي
ولا تحاكيني انا خاصيتك اي
ههههههههههههههههههههه
زهرة خانم يخرب بيتك وبيت بيتك ما أطول لسانك
وطي صوتك فضحتينا بالحارة
العمى شو هاد انفتحتي فرد مرة علي
وبلشتي موشحاتك الاندلسية
اضبضبي واقعدي عاقلة
بس تحكي على الشباب استثنيني منهم عيوني اي
لأني مو متلهم انا عراسي ريشة
وانت بدك تشختيني من الوريد للوريد لك وليييييييييييييي عليكي ما اطول لسانك
متل المرا المطلقة ويلي صايمة وفطرت على حامض
بسيطة ما رح رد عليكي يا نص متر
لكن اا بتزيدي حرف واحد بدي خلي القشاط يلعب على جنابك
لخليكي تبوسي التوبة وما تسترجي ترفعي صوتك علي يا نص نصيص
ههههههههههههههههه
اي بدي اتزوج عن حب انت شو دخلك مين دعس على دنبك
هههههههههههههههههههههههه
زهرة بما انه لسانك متل المبرد وما بيدخل لحلقك
شو رايك نساوي هدنة انا واياكي يعني تعيريني سكوتك شوي
ههههههههههههه
الله يسعدك انت كمان يارب زهرتنا
شايفة ياسمين دلال بدها تبليني شلون مو عارفة
لكن اطمني صاحيلها تمام
واي شي بتساوي بضرب بالمليان
هههههههههههههه
اهلييييييييييييييييييييين درة
فاش من عاشك عفو عاش من شافك
وين هالغيبة هي؟ لا تقولي قاعدة مع كتبك ومساوية حالك شيخة زمانك
هههههههههههههههه
اي فكرتك حلوة وعجبتني كتير
الافضل نطلع ونغير جو من قرف اخواتك ونقهم
اي موافق حددوا الجهة وجهزوا عدة النزهة وانا جاهز
وتسطفلوا مين بدو يركب قدام انت ولا غيرك
ان شاء الله بتدابحوا ما دخلني
هههههههه
لكن بس نركب يلي بدها تفتح تمها بدي اخليها تلحقنا مشي فهمانين
رايحين للننبسط مو نتعكر ونتخانئ
يلا جهزوا وخبروني
لروح جهز السيارة وعبيها بنزين واغسلها وظبطها
تشاااااااااااااااااااااااااااو
هههههههههههههههه

ههههههههههههههههههه

الله يسعدك يا خيي

بس اجهز السندويشات يلي بناخدهم

و يجهزو اخواتتك بنرووح

شو رايكم نروح لاسطنبول في جهات حلوووة

طيب طيب

درة تجلس قدامك احسن ما نقضي اليوم كلو محاضرات

يلاا بسرعة جهزوا حالكن

احسن ما نروح انا و حسام و درة بدونكم

اهلييييييييييييييييييييين درة
هلا و غلا بخالو الطيب
فاش من عاشك عفو عاش من شافك
ههههههههههههههههههههههههه
اوك و عاش من شافك و حكى معك
وين هالغيبة هي؟ لا تقولي قاعدة مع كتبك ومساوية حالك شيخة زمانك
هههههههههههههههه
هههههههههههههههههههههههه
اي جد و الله
بحوث و محاضرات و دراسة و نت خربان
الله يعين بسس
اي فكرتك حلوة وعجبتني كتير
الافضل نطلع ونغير جو من قرف اخواتك ونقهم
ههههههههههههههههههههههههههه
اي موافق حددوا الجهة وجهزوا عدة النزهة وانا جاهز
وتسطفلوا مين بدو يركب قدام انت ولا غيرك
ان شاء الله بتدابحوا ما دخلني
هههههههه
هههههههههههههههههههههههههه
اوك اوك
خلاص يلي بدها تركب لقدام اهلا وسهلا
بمزح بس
هلاء بتقوم الحرب
ههههههههههههههههههه
لكن بس نركب يلي بدها تفتح تمها بدي اخليها تلحقنا مشي فهمانين
رايحين للننبسط مو نتعكر ونتخانئ
يلا جهزوا وخبروني
لروح جهز السيارة وعبيها بنزين واغسلها وظبطها
تشاااااااااااااااااااااااااااو
هههههههههههههههه


تشااااااااااااااو يااااااااااااه
ههههههههههههههههههههههههههه
تشاو تشاو لكن خالو
جهز السيارة و اغسلها منيح اي
و متل ما قلت
انا تعبانة و يا ياسمينو اعفيني
مو انت توأمي
هههههههههههههههههههههههه