أم سميرة
المشرفة العامة
عدد المساهمات : 704
تاريخ التسجيل : 20/09/2012
تاريخ الميلاد : 02/08/1980
العمر : 43
عدد النقاط : 888
مدينتك : منتدى مدينة قطنا
هوايتي : الانترنت
المزاج : رايقة
الحمد لله
 |  موضوع: طريقة عمل اسباجيتي على الطريقة السورية مع الجبنة و البقدونس بالخطوات المصورة  الإثنين 29 أكتوبر 2012, 6:02 pm | |
| طريقة عمل اسباجيتي على الطريقة السورية مع الجبنة و البقدونس بالخطوات المصورة
جاييبتلكن أكلة كتيير سهلة و بسيطة و غير مكلفة, و
بنفس الوقت طعمتها كتتتتتتتير روعة و شهية , و بصراحة ما بيينشبع منها , و
فيكي حتى تقدميها لضيوفك
أكلتنا هيي : صينية السباجيتي مع الجبنة و البقدونس بالفرن
أول شي بحب قول : لا تستهينوا
بالصينية لإنها بسيطة و ما فيها لحوم أو خضراوات , و الله كتتتتتتتتتتتير
طعمتها طيبة و لذيذة , على مسؤؤليتي
و هلأ يا صبايا يا حلوين راح نجي عالطريقة
أنا استعملت ربطة معكرونة سباجيتي كاملة
طبعآ متل العادة اسلقيها عالنار مع مي و ملح و شوية زيت لتستوي وبعدين حطيها بمصفاية و افتحي عليها المي الباردة شوي
بعدين :
حطي المعكرونة بصينية حجمها مناسب
و حطي معها : ملح و كمون و رشه
بهار ( من يلي عندك ) و عصفر و 3 بيضات ( طبعآ كمية البيض , متناسبة مع
كمية المعكرونة المستخدمة ) , البيضة التالتة بالصورة موجودة أسفل الملعقة
عاليسار و لكن الصفار مفقوس , فمو مبين منيح
و هلأ في ملاحظة مهمة لازم نحكيها : إنه نحن لازم نطري المعكرونة لحتى ما تطلع ناشفة , و هون في عندك عدة خيارات راح نحكي عليها
1) زيت مازولا مع شوية سمنة عربية ( بلدية ) , السمنة البلدية بتعطي نكهة كتييير حلوة للصينية . ( متل الصورة )
2) ممكن فقط زيت مازولا , و بهالحالة زيدي شوي عن الكمية يلي بالصورة لتعوض عن السمنة
3) إذا عندك قشطة بلدية يلي
منشيلها عن وجه الحليب اللي عم يغلي , حطيها مع شوية صغار سمنة بلدية أو
بدون السمنة , و على فكرة هالقشطة , بتعطي نكهة , بتجنن للصينية
4) ممكن تحطي علبة قشطة جاهزة , و تطري الصينية بشوية حليب .
هلأ : راح نخلط المعكرونة مع هالمقادير كتير منيح
و بعدين راح نحضر الجبنة مع
البقدونس بكمية مناسبة للصينية , بدنا بقدونس مغسول و مفروم خشن , و جبنة
ممكن قشقوان أو موزاريلا , أو أي نوع طيب عندك و إنت بالعادة بتحطيه
بالبيتزا أو صواني الفرن
أنا هون استعملت الجبنة (
المشللة ) و هالنوع من الجبنة بيصنعوه عنا بسورية , و بصراحة أطيب منه
جبنة ما في , بس بحب نوه , إنه مو كل الجبنة المشللة طيبة , بس الأصلية و
المصنوعة على أصولها , ( في منها بالخليج بالأسواق , بس ما بعرف إذا
نوعيتها من الأصلية الطيبة أو لأ , و ما بعرف إذا في منها بمصر أو لأ ) ,
هالجبنة بتجي من المحل مالحة
جدآ ( لتعيش مدة طويلة بالبراد ) و بتكون قاسية , منفكها متل مو شاييفين
بالصورة ( استخدمت خمس كباكيب جبنة )
و بعدين راح ننقعها بمية
الحنفية شي ( 7 – 8 ) دقايق لتطرى , ما منغليها بمي سخنة , لإنها بالأصل
مغلية و معقمة , يعني مننقعها بالمي لعادية بس لحتى تصير طرية , إذا
نقعناها زيادة بتسيخ على بعضها , و بعد النقع , منغير ميتها شي ( 3 – 4 )
مرات ليخف ملحها و يصير مناسب
هلأ , قطعنا الجبنة بالسكين
راح حط كمية من الجبنة و البقدونس فوق الصينية و أخلطهن مع المعكرونة ليمتزجوا منيح
حطيت العصفر بهالمرحلة لإني نسيت حطه بالأول
و الكمية المتبقية كمان بخلطهن مع بعض و بمدهن على وجه الصينية
و بعدين عالفرن , و بس تستوي , راح نشعل الفرن من فوق ليتقمر الوجه
و هي الصينية و هيي طالعة من الفرن
كان لازم الوجه ييتقمر أكتر من هيك ( بس كانت الدنيا رمضان و المغرب أذن و خلص )
استني شي ربع ساعة قبل التقطيع
, و قطعيها , راح تلاقي كل قطعة طالعة شقفة وحدة ( متل الكيك ) , منظرها
حلو , و طعمها طيب كتتتتتتتتتتتتتتتتتر |
|
لكبريائي رواية
نجمة المنتدى
عدد المساهمات : 3454
تاريخ التسجيل : 11/06/2012
تاريخ الميلاد : 11/12/1997
العمر : 26
عدد النقاط : 4134
مدينتك : لن أكون قريبهـ الا لمن يتلهف قربي و سحقآآآ للبقيهـ ...
هوايتي : انا انثى لا تنحني ..-*لتلتقط شيــئآ*- سقطــ من عينهآآآ
المزاج : امي تقول ان (العقل) زينة البنت ما تدري انه من (جنوني) اعشقوني
كل إإمرأإأهـ فيٓ العآإآإلـــ مـ
أنجَبَتْ (طفْــلهـ) .!إاإلآآ أًُمّــــيٓ
أنج ــبتْ §{أسطوٓ ٓرٓه}§
گگ ـفـــگ يٓممهـ..!
•¦[ سـ أبقَـى أنثـے آلج ـنُوטּوشغب الطفُـولہ •»'
| | موضوع: رد: طريقة عمل اسباجيتي على الطريقة السورية مع الجبنة و البقدونس بالخطوات المصورة الإثنين 12 نوفمبر 2012, 10:54 pm | |
| مرسي يا قلبي
وصفة روووعهـ زيكـ
الله يباركـ فيكـ |
|
أم سميرة
المشرفة العامة
عدد المساهمات : 704
تاريخ التسجيل : 20/09/2012
تاريخ الميلاد : 02/08/1980
العمر : 43
عدد النقاط : 888
مدينتك : منتدى مدينة قطنا
هوايتي : الانترنت
المزاج : رايقة
الحمد لله
| | موضوع: رد: طريقة عمل اسباجيتي على الطريقة السورية مع الجبنة و البقدونس بالخطوات المصورة الثلاثاء 13 نوفمبر 2012, 1:43 am | |
| وصفة كثير طيبة وسهلة جربوها و ما راح تندموا  |
|
منتدى مدينة قطنا 
زائر
