تركت من احب لمرضاة الله فعوضنى الله خير ♣♣ ماعند الله خير وأبقى ♣♣

كان ف احدى الدول العربيه شاب وفتاه عاشا قصة حب دامت ست سنوات ثم من الله على الشاب وحضر محاضره دينيه فرق قلبه واراد العوده لله والتوبه حيث انه عرف ان العوده الى الله هو الطريق الصحيح ,,,

واخبر حبيبته بذلك وتااااب توبه نصوحه ,,ثم انتقل الى منطقه اخرى وحفظ القرأن ودرسه واصبح من الدعاة الصالحين ,,مرت الايااام وكان دائما يحس بحرقه على فراق المحبوبه,,

ثم طلب من امه ان تزوجه حتى ينسى حبيبته ويعوض ذاك الحب المحرم بحب حلال مع زوجته,,,

كان ف نفس المنطقه فتاه صالحه اشتهرت بصلاحهاوتعلمها للقرآن طلب من امه ان تذهب وتراهاوبالفعل تم ذلك واعجبت الام بجمالهاواخلاقها ودينها وقرر بعدها ان يتقدم لخطبتها وعند النظره الشرعه حصلت المفاجئه,,,,,,,,,

رفعت الفتاه نقابها عن وجهها فذا هي حبيبته التي تركها لله سخرها الله الكريم زوجه له بالحلال وكان وجهها يشع بحلاوة الايمان فقد تابت هي ايضا عندما تركها وختمت القران في ثمانيةاشهر حفظا وتجويدا وتدريسا ثم يسر الله لهما الزواج ورزقهم الله الكريم بذريه صالحه وعاشا اسعد زوجين...

يقول صاحبه عندما سألته كيف تعيش حياتك الآن ؟؟

قال عندما اريد ان اعبر عن حياتي مع زوجتي وحبيبتي وابنائي أعبرها من خلال قوله تعالى" من عمل صالحا من ذكر أو انثى وهو مؤمن فلنحيينه حياة طيبه" وانا والله اني اعيش الان اسعد حياه مع زوجتي وحبيبتي وابنائي... ا.ه

سبحاااان الله قصه تدمع لها العيون, وغيرها من القصص التي تبين لنا كرمه سبحانه وانفاذ وعده لمن اطاعه ,,,

ذُكر أن رجلاً أحب امرأة وأحبته، فاجتمعا فراودته المرأة عن نفسه فقال: إن أجلي ليس بيدي، وأجلك ليس بيدك، فربما كان الأجل قد دنا فنلقى الله عاصيين. فقالت: صدقت فتابا وحسنت حالهما وتزوجت به.

وقال الحسن البصري: كانت امرأة بغيٌ قد فاقت أهل عصرها في الحسن لا تمكن من نفسها إلا بمائة دينار، وإن رجلاً أبصرها فأعجبته فذهب فعمل بيديه وعالج فجمع مائة دينار، فجاء فقال: إنك قد أعجبتني فانطلقت فعملت بيدي وعالجت حتى جمعت مائة دينار فقالت: ادفعها إلى القهرمان حتى يَنْقُدَها ويَزينها، فلما فعل قالت:

ادخل وكان لها بيتٌ مُنجدٌ وسرير من ذهب، فقالت: هلمّ لك، فلما جلس منها مجلس الخائن تذكر مقامه بين يدي الله فأخذته رعدةٌ وطفئت شهوته فقال: اتركني لأخرج ولك المائة دينار فقالت: ما بدا لك وقد رأيتني كما زعمت فأعجبتك فذهبت فعالجت وكدحت حتى جمعة مائة دينار فلما قدرت عليّ فعلت الذي فعلت؟ فقال: ما حملني على ذلك إلا الفرق من الله،

وذكرتُ مقامي بين يديه قالت: إن كنت صادقاً فما لي زوج غيرك قال: ذريني لأخرج قالت: إلا أن تجعل لي عهداً أن تتزوجني، فقال: لا حتى أخرج قالت: عليك عهد الله إن أنا أتيتك أن تتزوجني قال: لعل فتقنع بثوبه ثم خرج إلى بلده،

وارتحلت المرأة بدُنياها نادمة على ما كان منها، حتى قدمت بلده، فسألت عن اسمه ومنزله فدُلت عليه فقيل له: ا

لملكة جاءت بنفسها تسأل عنك، فلما رآها شهق شهقة فمات، فأسقط في يدها فقالت: أما هذا فقد فاتني أما له من قريب؟
قيل: بلى أخوه رجل فقير فقالت:
إني أتزوجك حباً لأخيك قال: فتزوجته فولدت له سبعة أبناء.

أنا بنت من عائلة ميسورة الحال والدي متوفي (الله يرحمه) من سنين وكان فيه بينه وبين ماما مشاكل قوية جداا جدااا
لأنه بابا كان أكبر من ماما بحوالي 15 سنة ذل وإهانة من بابا وفرق السن كان عامل كارثة بين ماما وبابا
وانتوا أكيد عارفين وفاهمين شكل التعامل بينهم كان عامل إزاي ..

حبيت أوضح حالة ماما عشان معاها كانت معاناتي من بعد وفاة بابا
عشان مش عايزة حد يقول عليها حاجة أو حتى دعوة مش حلوة دي كانت مرحلة من حياتي وحياتها وعدت خلاص
ودلوقتي هية فوق رأسي ونسيت ليها كل حاجة عملتها معايا

وانا مسامحاها من كل قلبي والله العظيم وبتمنى رضاها علية وربنا يعلم. بعد بابا ما مات بقت شخصية مختلفة قوية قاسية قلبها ميعرفش الرحمة
واللي بابا عملوا فيها خلاها أشرس وأعنف واللي مكنتش تقدر تعملوا مع بابا عملتوا معايا من إهانات وضرب وشتيمة
كنت أطلع تاني يوم بعد العلقة الصبح بدري سطوح العمارة ومعايا القرآن
بتاعي وأدعية كتير وكتب دينية ..

أبص للسما وأبكي وأقرأ سورة يس قرأتها لغاية ما اتقنتها تماما وبرددها غيبا
حتى لو بركب مترو أغمض عيني وأقراءها كاملة كانت ونيسي في ألمي كنت مصرة اني أفضل في طريقي الصح مكنتش عايزة أحود عن طريق ربنا أبدا ..

كانت تقولي إطلعي بره شوفيلك أي مكان تروحي فيه كنت أصرخ وبأعلى صوت أقولها مش هطلع برة البيت غير في حالتين على بيت جوزي أو على قبري غير كدة مش هطلع برة البيت ، دخلت الجامعة
وبيبان وحشة أوي متفتحالي
طرق مش سوية أصحاب السوء بيزينوهالي

لكني كنت على طريقي واثقة في ان يوم من الأيام ربنا هيرزقني الزوج اللي بتمناه وكرم ربنا علية جايلي أكيد ورزقي عند ربنا متشالي لية انا وبس .. وفضل الحال لغاية ما خلصت الجامعة وبعديها دورت على شغل
واشتغلت مرة وإتنين وتلاتة ومرة منهم كانت في شركة كبيرة أوي
وأول واحد طبطب على كتفي كان

صاحب الشركة مكنش حب كان بحث عن الدفئ والحنان
وكان عنده 56 سنة قاللي هجبلك عربية وفيلا بإسمك وفلوس في البنك واللي تحلمي بيه وشهر العسل بره وكلام كتيير أوي وزود مرتبي وبقى يديني فلوس كمان فوق مرتبي

وأكتر حاجة ضغط عليها فية حالتي النفسية
وعرف ماما وعرف أد ايه انا تعبانة وكان بيطبطب على إيدي ويقولي هعوضك بس خلينا نعرف بعض الأول !!
وانتوا عارفين يعني ايه نعرف بعض الأول .

وقتها انا فاكرة إحساسي كويس إحساس بشع وحش أوي أوي وقتها شفته شيطان وبكيت جامد أوي حصل تجازوات..
سبته ومشيت وانا ماشية بفكر الراجل ده هيديني حب ودفيء وحنان
اللي انا محرومة منهم هيديني فلوس كتير أمان من الزمن هيديني عربية وفيلا
وووو بس كل ده مقابل إيه ؟

إنه يعرفني الأول وانا مروحة على البيت الدنيا مطرت كنا في الشتا والله العظيم وقفت على جنب تحت المطر
وبصيت للسما وببكي والمطرة غرقتني
ودعيت قلت يارب نقني من الذنوب كما ينقى الثوب الأبيض من الدنس
يارب نقني من الذنوب كما ينقى الثوب الأبيض من الدنس

يارب إغسلني من الخطايا يارب مش عايزة أعمل حاجة غلط
يارب عيزاك يارب تعبانة يارب أرزقني الزوج الصالح يارب يا رحيم يارب يا كريم ..
. وقتها المطر هدي جدااا والسما بقيت جميلة أوي وصافية أوي وحسيت بإستجابة دعايا وبإنشراح وهدوء جامد

وأخدت قراري وإستقلت من الشغل.

عدت سنين والحمدلله من أحسن للأحسن في شغلي

لغاية ما
ربنا ما كافئني أجمل مكافأة في حياتي .

. مكافأة تستحق مني كل الإصرار والصبر ده هو حياتي ونور عيني خطيبي

واللي قريبا بإذن الله هيبقى جوزي وأبو أولادي ..
أجمل مكافأة يا حبيبي يارب
.. كل ما أشوف خطيبي أحمد ربنا ميت مرة وأبص لخطيبي وأقوله انت هديتي من ربنا ..

خطيبي يا بنات هو الراجل اللي كنت بحلم بيه طول عمري وربنا بعتهولي بعد طول صبر خطيبي اللي استننيته سنين طويلة جه أخيرا
وخبط على بابي وعلى فكرة أنا بجهز نفسي دلوقتي من الأف للياء
ومخلتش ماما تشيل همي في الجهاز والفلوس اللي شايلاهالي قلتها خديها

وهاتي بيها حاجة ليكي الحمدلله جهزت نفسي بنفسي شفتوا بقى كرم ربنا
ورزقي اللي كان شيلهولي

والحمدلله هطلع من بيت ماما بإذن الله زي ما قلتها بالضبط بس على بيت جوزي الأول .

تعرفوا كمان إن مع خطيبي لقيت الحب اللي اتحرمت منه من بابا ولقيت الحنان اللي اتحرمت منه من ماما والعربية والشقة عشان خطيبي عنده عربية وعنده شقة كبيرة
يعني لما
صبرت وأصريت على طريق ربنا وثقتي في رحمته ربنا عوضني أحسن العوض
واللي كان هيدهولي الراجل اللي كان أد أبوية بطرق ملتوية خطيبي جه عن طريق ربنا
وبالحلال وبكل حاجة حلوة معاه
نصيحة لكل بنت:
أصبري رزقك متشالك عند ربنا ومحدش هياخده غيرك
ثقي بالله وتوكلي عليه حق توكله وكوني على يقين بإن الدعاء هو سر الإستجابة
(قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ)

وأجمل آية كنت بحبها أوي أوي وكل ما أجي أقرأها أبكي من الفرح .. سور الطور أخرة آيتين
(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ وَمِنَ اللَّيْلِ فَسَبِّحْهُ وَإِدْبَارَ النُّجُومِ)

الله الله الله انا في عين ربنا ... شايفني ومطلع علية وحاسس بية ياحبيبي يارب هصبر عشانك يارب عشان أنا بثق فيك وعارفة انك عمرك ما هتخذلني وهتحققلي كل اللي بتمناه مهما طال الوقت علية.
الحمدلله كنت في أي مكان أدعي ربنا
أروح عند أي حد أدعي ربنا
أي مكان جديد أول مرة أروحه وأخر مرة مثلا زي رحلة بعيدة قبل ما امشي أقف أبص للسما وأدعي ربنا
لما حد أكون في فرح وحد يقولي عقبالك أقول بعديها علطول آمين يارب آمين يارب
ماهو بيدعيلي ولما أأمن على كلامه بأكد إستجابة الدعاء

تعرفوا بعد ما اتخطبت أول حاجة عملتها إيه؟!!
رحت على كل مكان أقدر عليه كنت بدعي فيه ربنا أروح هناك وأحمد ربنا كتير كتير وأقول الحمدلله يارب
والله رحت كورنيش النيل اللي في التحرير في عز الثورة عشان المكان ده ياما ياما دعيت فيه كنت بشتغل هناك رحت وحمدت ربنا
كل مكان والله كل مكان قدرت أوصله رحتله وحمدت فيه ربنا

تخيلوا إحساسي وقتها كنت حاسة ان ربنا بيضحكلي اه والله العظيم مبسوط مني عشان منستهوش لما جاتلي النعمة اللي اتمنتها
ربنا كان فرحان بية حسة بيه والله العظيم كنت أبص للسما وأبتسم حاسة برضا ربنا علية
الحمدلله الحمدلله الحمدلله
دي يا بنات أسباب إستجابة ربنا لدعائي
1- الصبر
2- الثقة بالله
3- اليقين
4- الحمد المستمر
5- توكلي على الله
6- الإستغفار
7- التفاااااااؤل (ودي مهمة جدااااا تفائلوا بالخير تجدوه)

.. الحمدلله .. الحمدلله

منقول للفائدة

بارك الله فيك

» هل فكرت في يوم "ماذا يحب الله جل جلاله وماذا يبغض؟" لتكون ممن يحبهم الله ؟
» فضائل الكلمات الأربع سبحان الله والحمدلله ولا إله إلا الله والله أكبر
» الله مـعـي ... الله نـاظـري ... الله شـاهـدي
» اعلم أن رسول الله صلى الله عليه وسلم يحبك أكثر من نفسك
» هل عُرج برسول الله صلى الله عليه وسلم إلى السماوات بالجسد أم بالروح

تركت من احب لمرضاة الله فعوضنى الله خير ♣♣ ماعند الله خير وأبقى ♣♣

تركت من احب لمرضاة الله فعوضنى الله خير ♣♣ ماعند الله خير وأبقى ♣♣

مواضيع مماثلة

مواضيع مماثلة