الشيخ المحشي كوسا باللبن - شيخ المحاشي السورية بالخطوات المصورة

الشيخ المحشي كوسا باللبن - شيخ المحاشي السورية بالخطوات المصورة

الكوسا باللبن , أو الشيخ المحشي , وما أدراكم ما الشيخ المحشيأكلة سورية لذيذة جدآ جدآ

المقادير :
كوسا حجم صغير , أو وسط , لكن الصغير أفضل , و يفضل أن تكون خضراء , و مقطوفة حديثآ

لحمة هبرة مفرومة , و
فيكي تحطي معها نسبة قليلة جدآ من الدهنة إذا حبيتي , فرمناها بماكينة
فرم اللحمة , بالمصفاية الخشنة , و قليناها عالنار مع ملح و كمون , و بهار
طيب , و خلينا الملح و البهار , ظاهر يعني كتير شوي .

ملاحظة : اللحمة بدون بصل , و هيك أطيب , و على مسؤؤليتي .

للمرقة : لبن رائب ( زبادي ) , ماء , نشا

الخطوات :

بعد غسل الكوسا جيدآ ,
و تركها لتجف : نحفر الكوسا , من الأسفل , متل الصورة تمام , و الحفر
بهالطريقة , لسهولة الحشي , بعد قلي الكوسا , و إلا راح تلاقي صعوبة كبير
بالحشي بعدين , و راح نشيل فقط عمود واحد من قلب الكوساية .

نقلي الكوسا بزيت غزير حتى تنضج

و هذه الكوسا بعد قليها , و نضجها

نضع الكوسا في مصفاية , بحيث يكون الثقب للأسفل , و نضع المصفاية فوق وعاء مناسب ,
و نتركها حتى تبرد , و تصفى من الزيت , جيدآ

نحضر الحشوة , بفرم اللحمة , و قليها مع شوية زيت مازولا عالنار ,
مع كمية ظاهرة من الملح و البهار , و رشة كمون , و نضع معها صنوبر

ثم نحشو حبات الكوسا , و بمساعدة الخنصر ندخل اللحمة جيدآ إلى قعر الكوساية .

ملاحظة هامة جدآ :
في بعض الأحيان , نلاحظ أن الكوسا أثناء الحشي طرية جدآ , و هذا عائد
لنوعية الكوسا , لدرجة أن الكوسا تكاد تتمزق أثناء الحشي , و يجب مراعاة
الانتباه و الحذر الشديدين , أثناء الحشي

تحضير مرقة اللبن الزبادي :

لم أصور هذه المرحلة ,
لأن كل ست بيت أكيد عندها خبرة بهالموضوع , يعني إنت و خبرتك , و لكن
إذا ما عندك خبرة فراح قول كيف حضرناها , لأنه هالموضوع صاير خبرة أكتر
منه مقادير :

المي يلي حطيتيها بالطنجرة فوق الكوسا ( راح نحكي عليها بعد شوي )

عيريها أديش حجمها

و جيبي طنجرة تانية , و حطي فوقها مصفاية شبك كبيرة

نزلي الزبادي بالمصفاية ( في ناس بيضربو الزبادي مع النشا و المي بالخلاط )

كمية الزبادي لازم تكون ضعفين كمية المي يلي بالطنجرة

جيبي نشا , و دوبيهن بشوية مي , و نزلي النشا كمان بالمصفاية مع المي المدوب فيها

و كمية النشا : فيني قلك : بالموضوع : استخدمنا حوالي تلت أرباع كوب كبير

و نزلي بعد النشا كمان شوية مي ( هون استحدمنا كاسة كبيرة زيادة )

و حطي الطنجرة عالنار , وحركي بالكبجاية , و خلي الكبجاية ملامسة لأرض الطنجرة

و خلي التحريك بشكل مستمر ليغلي اللبن الزبادي
, و لازم نحرك بشكل
مستمر , و إلا مرقة اللبن بتفرط , و بتطلع فاشلة , و ديري بالك بس يغلي
اللبن , وطي النار علآخر أو اطفي الغاز , لأن اللبن بيفور عند الغليان .
هلأ : الكوسا المحشية ,
إذا حطيناها بمرقة اللبن , ما بتستوي باللبن , و النشا , مشان هيك ,
حطيناها بالطنجرة , و غمرنا تلت أرباعها بالمي , و حطينا الملح , و شعلنا
الغاز , و تركناها تغلي عشر دقايق , بالمي لتستوي , و لا تنسي تغطي
الطنجرة بهالمرحلة

بعد ما استوت الكوسا بالمي , راح نصب اللبن المغلي لفوق الطنجرة , و مشان
هيك , حطينا مع الزبادي , فقط شوية ماء و ما كترنا , لأن الماء يلي فوق
الكوسا , راح يعدل اللبن المغلي , لنحصل عالسماكة المناسبة ( هالموضوع
بيعتمد على خبرتك ) .

كمان ملاحظة هامة جدآ
: إذا كانت الكوسا من النوع الطرية جدآ يلي حكينا عليها بالملاحظة
السابقة , ما في داعي , نخليها تستوي بالمي , راح نحضر مرقة اللبن , مع
الكمية المناسبة من المي مباشرة , و بس تغلي , منحط الكوسا فيها فورآ و
منتركهن يغلوا مع بعض شي عشر دقايق أو ربع ساعة عالغاز على نار هادية .

هلأ : في شغلة مهمة
كتير . لازم نعرفها , لحتى تطلع الأكلة طيبة كتير كتير , لازم الكوسا
ييتشرب طعم اللبن أثناء الغليان , يعني كل ما غلوا مع بعضن أكتر , بتلاقي
الكوسا أطيب , و لكن مدة الغليان تعتمد على نوع الكوسا , يعني الكوسا
الطرية جدآ خليها تغلي مع اللبن , شي عشر دقايق أو ربع ساعة , مو أكتر ,
مشان ما تتمزق بقلب اللبن , و تتشقق , و لكن الكوسا يلي خليناها تستوي
بالمي , ممكن تخليها تغلي تلت ساعة , أو حتى نصف ساعة , و ما مننسى , على
نار هادية , نحن لقينا الكوسا بتلقى , فخليناها تغلي عالنار الهادية نص
ساعة

و الحمد لله كانت كتيييير طيبة , و شهية

وبس تطفي النار , صبي
الكوسا مع المرقة فورآ بالجاط أو بالصينية البيركس , بتلاقي منظرها حلو , و
اتركي الكوسا تبرد شوي بقلب الصينية , مشان تتشكل طبقة القشطة ( طبقة
اللبن السميكة ) على وجه الصينية , و إلا إذا تركتي الكوسا بالطنجرة , راح
تتشكل هالطبقة , على وجه الطنجرة , و تخرب وقت بتصبي الكوسا

و هي قلب الكوساية بعد ما استوت

قدميها مع الرز المفلفل مع الشعيرية

يم يم
يا عيني يا أختي أم سميرة
من أطيب الأكلات السورية عندي هذه الأكلة
الله يسلم إيديكِ ويعطيكِ ألف عافية
ولا يحرمنا من جديدك المميز
لكن عندي سؤال لو سمحتي؟
هل تطبخونها أنتم؟ أم هل يوجد عندكم أكلة مشابه لها
ومشكورة كتير
ربي يوفقك ويخليكِ يارب

شكرااا لك لو اقدر اطبخها و ابعثهالك.
عندنا كوسا محشية و لكن بدون لبن.
و عندي جارتي من سوريا في رمضان كانت تبعثلي من اكلها
تعجبني اكلة الرز مفلفل بالشعرية

الله يسلمك ويوفقك أختي أم سميرة
كأنك بعثتيها
أكلنا طيب لكن كمان أكلاتكم بزاااااااااف طيبة
مثل : الكسكس الجزائري
مممممممم نفسي أذوقه والله
ربي يخليلنا ياكي ولا يحرمنا من طيبتك وحضورك الملكي
ممنونك أختي أم سميرة
الشيخ المحشي كوسا باللبن - شيخ المحاشي السورية بالخطوات المصورة 1037358803

الشيخ المحشي كوسا باللبن - شيخ المحاشي السورية بالخطوات المصورة 1037358803

» طريقة عمل اسباجيتي على الطريقة السورية مع الجبنة و البقدونس بالخطوات المصورة
» ورشة مفرش بالخطوات المصورة
» متبل سوري بالخطوات المصورة
» طريقة عمل قبعة السويسرول بالخطوات المصورة
» سبرنج رول بالخضار على الطريقة الصينية ولا اروع ( بالخطوات المصورة)

الشيخ المحشي كوسا باللبن - شيخ المحاشي السورية بالخطوات المصورة

الشيخ المحشي كوسا باللبن - شيخ المحاشي السورية بالخطوات المصورة

مواضيع مماثلة

مواضيع مماثلة